Чамдаа

Чи миний хувьд одоо ч нандин

Магадгүй үүрд нандин
Надаас өөр хэн ч мэдэхгүй
Тэгж нандигнаж би чамайг сэтгэлдээ тээсэн
Нэг орж нэг гарч болдог
Энэ хаалга биш
Тиймээс нэг оруулсан
Гарна гэж байхгүй
Чи миний зүрх сэтгэл
Хүн гэдэг сэтгэлийн баталгаа
Чамайг би өмчилж байгаа юм биш
Чиний тухай бүхнийг
Чамтай холбоотой мэдрэмжүүдийг нандигнаж байгаа юм
Бороо зогссон
Одоо би уйлахаа больсон
Чиний тухай бодол уйтай ч
Гунигтай биш болсон
Тиймдээ чи нандин нэгэн л болж үлдсэн
Тиймээс нандин бодлоо өвөртлөөд
Тэртээх гудамж руу зүглэлээ
Чи минь ойлгоорой